Roli i femrës në shoqërinë shqiptare..!

shkruan JONA KOPRENCKA

Një femër është një vajzë , shoqe , grua , bashkëshorte , nënë , gazetare , politikane , misionare , mësuëse , artizane , mjeke , ekomomiste etj . Në 24 orë duhet të jetë : një punonjëse në punë , një amvisë për shtëpinë , një grua për bashkëshortin , një nënë për fëmjët …….

Për të ofruar më të mirën e saj në familje dhe shoqëri ajo duhet të jetë prezente , aktive në rolin e saj dhe e dashur , e perkushtuar dhe e pergjegjshme . Këto janë pritshmëritë , por cfarë ofron shoqëria kundrejt saj . Të jesh femër në shoqërinë shqiptare është një punë burrash ‘ . Së pari do të jesh e paragjykuar duke filluar nga pamja fizike deri te statusi social . Nëse do të përqendroheshe tek karriera , do të të paragjykonin se nuk të pëlqen jeta familjare dhe , nëse do te ishe nje amvisë e thjeshtë dhe shtëpiake e mirë , do të të paragjykonin se nuk e dihmon ekonomikisht familjen . Është për të ardhur keq që , përpos të gjithë propagandës për rritjen e barazisë gjinore dhe të drejtave të femrave , ato janë të varuara kryekëput nga familja ku lindin dhe më pas nga bashkëshorti i tyre . Vajzat që në fëmijëri edukohen me idenë se e kanë për detyrë t’i shërbejnë familjes . Në zonat rurale vazhdojnë martesat në moshë të hershme dhe të rregulluara nga familjarët Mungesa e shkollimit dhe mungesa e pavarësisë ekonomike e femrave është një plagë e rëndë e shoqërisë .

Të qënit e pakualifikuar dhe e paarsimuar të mban larg tregut të punës dhe jetës sociale , ndërsa mungesa e pavarësisë ekonomike të heq ‘ zërin ‘ për të kërkuar apo kundështuar , sepse të plotësohen nevojat bazë jetike , ti nuk ke të drejtë të kërkosh më shume për aq kohë sa nuk ke dhënë kontributin tënd financiar .

Për sa i përket rolit të femrës në shoqëri dhe të drejtava të saj kemi shumë për të mësuar nga feja Islame . Sipas Hazret Kalifit IV r.a : ” Profeti Muhammed ka thënë se xheneti është poshtë këmbëve të nënave . Kjo do të thotë se parajsa e të gjithë brezave të ardhshëm , të femrave dhe meshkujve është nën këmbët e nënës së tyre . Çfarë pozite të lartë i ka dhënë Profeti Muhammed gruas . Ishte Islami i cili deklaroi që ashtu sikundër burrat gëzojnë të drejtat në çështjet shoqërore dhe sociale , po ashtu edhe gratë kanë të drejtat e tyre . Si rregull , ato kanë po aq të drejta ( mbi burrat ) sa kanë detyrime ( ndaj tyre ) . ( el – Bekare 2 : 229 ) Lidhja midis burrave dhe grave duhet të jetë njësoj siç është midis dy miqve të sinqertë dhe besnikë ” . ( Melfuzat , vëll . V , f . 417 )

Hazret Kalifi II r.a. duke komentuar mbi sjelljen e të Dërguarit të Allahut lidhur me këto mësime të shkëlqyera të Islamit , ka thënë : ” Është feja islame e cila ka ndriçuar aspektin njerëzor të gruas , dhe i Dërguari i Allahut është njeriu i parë i cili vendosi barazinë në të drejtat e grave në këtë aspekt , dhe njerëzit kuptuan tamam botëkuptimin e fjalëve të Kuranit . Shoqëria e sotme shqiptare ka shumë për të mësuar nga feja islame dhe roli i vecantë që religjioni i kushton femrës . Një në tre femra dhunohen fizikisht dhe dy në tre psikologjikisht . Në shoqëri përdoren ende shprehet diskriminuese si : “ je e huaj në shtëpin e babait për sepse vendin e ke te bashkëshorti ” , ” e pastaj të martohesh e të jetosh në shtëpinë ” tënde ” me njerëz të huaj ” . Dhuna dhe presioni fizik , psikologjik , seksual dhe ekomomik është prezent jo vetëm në zonat rurale , por edhe në zonat urbane . Gjithnjë e më shumë hapësirën mediatike e zënë lajmet mbi dhunën ndaj femrave ose mbi pabarazinë gjinore .

Një grua e arsimuar krijon familje të shëndoshë dhe të arsimuar , prandaj kudo në vendet e civilizuara gruaja ndihmohet dhe përkrahet në të gjitha fushat . ” Unë po të isha djalë , do t’i tregojsha botës mashkullore se dora që përkund djepin është ajo që e rrotullon boshtit e fatit të njerëzisë , sepse ajo dhe vetëm ajo e drejton jetën kah horizonteve të ndritura ose të errëta ” .

Fragment nga : ” Sikur të isha djalë ” , Haki Stërmilli .

#foltash

Related posts

Leave a Reply

Adresa juaj email s’do të bëhet publike. Fushat e domosdoshme janë shënuar me një *

69 − = 65