ISLAMOFOBI APO REALITET ?!

1. Me formën dhe shkollën e interpretimit fetar vehabist-selefist, të katapultuar në trojet shqiptare pas viteve të 90-ta, besimtari “i drejtë” mysliman nuk duhet të pranoj tjetrin në shoqëri dhe bashkëpunim, i cili nuk i takon besimit Islam!
2. Me formën dhe shkollën e interpretimit fetar vehabist-selefist, besimtari “i drejtë” mysliman duhet të luftoj çdo sistem demokratik, brenda dhe jashtë shoqërive myslimane!
3. Me formën dhe shkollën e interpretimit fetar vehbist-selefist, besimtari “i drejtë” mysliman, është i porositur që femrën ta izolojë në shtëpi, ta mbulojë me veshje të zezë, qoftë edhe mbulimin e gjithë fytyrës!
4. Me formën dhe shkollën e interpretimit fetar vehabist-selefist, besimtari “i drejtë” mysliman, duhet të mos i pranoj figurat dhe kontribuuesit kombëtar, të cilët nuk ishin dhe nuk i takojnë besimit Islam! 
5. Me formën dhe shkollën e interpretimit fetar vehabist-selefist, besimtari “i drejtë” mysliman, duhet të mos dëgjojë asnjë lloj muzike – me tela e pa tela, folklorike dhe jo folklorike, pa bërë asnjë dallim të kategorive të saj ! 
6. Me formën dhe shkollën e interpretimit fetar vehabist-selefist, besimtari“i drejtë” mysliman, duhet të mos lexojë ose të marr për bazë fetare asnjë libër i cili nuk është i vijës ideologjike vehabiste-selefiste ! 
7. Me formën dhe shkollën e interpretimit fetar vehabist-selefist, besimtari “i drejtë” mysliman, studimin dhe interpretimin e Kuranit duhet ta ndjek dhe zhvillojë vetëm sipas autorëve të caktuar, të cilët ndalojnë përdorimin e racionales dhe të kontekstit kohor të kaluar apo të tanishëm ! 
8. Me formën dhe shkollën e interpretimit fetar vehabist-selefist, besimtari “i drejtë” mysliman, nuk guxon të studioj filozofi, as islame e as atë botërore !
9. Me formën dhe shkollën e interpretimit fetar vehabist-selefist, besimtari “i drejtë” mysliman, gjatë përshëndetjes me të tjerët, nuk duhet t`ia zgjasë dorën gjinisë së kundërt, qoftë edhe me pjesëtarët familjar nga gjaku !
10. Me formën dhe shkollën e interpretimit fetar vehabist-selefist, besimtari “i drejtë” mysliman, nuk guxon të qëndrojë në ambient të përzier –meshkuj femra, bankete e ahengje familjare, qofshin ato edhe të natyrës së moderuar, etj.etj.
11. Me formën dhe shkollën e interpretimit fetar vehabist-selefist, besimtari “i drejtë” mysliman, nuk duhet të ketë ndonjë pengesë të pa kaluar rreth martesave edhe me lidhje gjaku ! 
12. Me formën dhe shkollën e interpretimit fetar vehabist-selefist, besimtari “i drejtë” mysliman, atë që e braktisë fenë islame duhet ta luftojë dhe ekzekutojë..!
13. Me formën dhe shkollën e interpretimit fetar vehabist-selefist, besimtari “i drejtë” mysliman, nuk bënë të shoqërohet me pjesëtarët e besimeve tjera!.
14. Me formën dhe shkollën e interpretimit fetar vehabist-selefist, besimtari “i drejtë” mysliman, nuk duhet t`i merr parasysh zakonet dhe traditat e shëndosha të një shoqërie dhe rrethi ku jeton, por duhet të përpiqet që të imponojë formën e tij të interpretimit fetar sipas bindjes së krijuar!
15. Me formën dhe shkollën e interpretimit fetar vehabist-selefist, besimtari “i drejtë” mysliman, nuk guxon të studioj artin dhe vizatimin … etj etj. 
Autor : Prof. Xhabir Hamiti

Related posts

Leave a Reply

Adresa juaj email s’do të bëhet publike. Fushat e domosdoshme janë shënuar me një *

25 − 19 =